न्यू डाँफे र जय किसानको जित

नेपालगञ्ज – खजुराको न्यू डाँफे स्पोर्टस क्लबले बाँके जिल्ला लिग फुटबलमा सानदार जित हासिल गरेको छ । मंगलबार नेपालगञ्ज रंगशालामा न्यू डाँफेले बुद्ध युवा क्लबलाई ५–० ले हरायो । न्यू डाँफेका लागि बिमल बस्नेतले ह्याट्रिक गरे । उनले २८, ५२ र ६० मिनेटमा गोल गरेका थिए । अर्जुन सुनारले सुरुआतमै ७ मिनेट र प्रेम सुनारले ४८ मिनेटमा गोल गरेका थिए ।
अर्को खेलमा जय किसानले नवदुर्गा युवा क्लबलाई २–० ले पराजित गरेको छ । जय किसानका दिक्षान गिरीले ४७ मिनेट र विश्वास विसीले ६० मिनेटमा गोल गरेका थिए ।
बाँके जिल्ला फुटबल संघको आयोजनामा भइरहेको जिल्ला लिग फुटबलाम बाँकेका ११ क्लबले प्रतिस्पर्धा गरिरहेका
छन् ।