भैरवप्रसाद गणले अंक बाँड्यो

नेपालगञ्ज – कमाण्ड सेनापति ट्रफी फुटबल प्रतियोगितामा शुक्रबार विहान भैरवप्रसाद गण, नेपालगञ्ज र भवानी दल गण, तेघरी ब्यारेक कैलालीले बराबरी खेलेका छन् ।
पहिलो खेलमा पराजित भएको भवानीलाई दोस्रो खेल जित्नै पर्ने दबाब थियो । भवानीले ३० मिनेटमा किसन रावतको गोलमा अग्रता लिएको थियो । ५६ मिनेटमा भुपेन्द्र रानाको गोलमा भैरवप्रसाद खेलमा फर्किएको थियो । खेलको अन्तिमतिर भैरवप्रसादले एकोहोरो दबाब दिएपनि गोल भने हुन सकेन । भैरवप्रसादको तीन प्रहार बीममा लागेर बाहिरिएको थियो ।
भैरवप्रसाद गणले पहिलो खेल जितेको थियो । दोस्रोमा बराबर रहदा उसको चार अंक भएको छ । समूह एमा भैरवप्रसाद शीर्षस्थानमा रहेको छ । भैरवप्रसादले अब लिगको अन्तिम खेल चन्दननाथ गण, मालिका ब्यारेक जाजरकोटसँग खेल्नेछ ।
भवानी दल गणले दुई खेलमा एक अंक जोडेको छ । उसले लिगको अन्तिम खेल नन्दबक्स गण, जुम्लासँग खेल्नेछ ।
भैरवप्रसाद गणको आयोजनामा राँझामा भइरहेको प्रतियोगितामा पश्चिम कमाण्डअन्तर्गतका आठ वटा टीमले प्रतिस्पर्धा गरिरहेका छन् ।