एमसीसीविरुद्ध प्रदर्शन

नेपालगञ्ज – नेपालगञ्जमा एमसीसीको विरोधमा प्रदर्शन गरिएको छ ।
एमसीसी विरुद्ध संघर्ष समिति (राष्ट्रवादी) नेपालगञ्जको आयोजनामा धम्बोझीचोकमा प्रदर्शन गरिएको हो ।
राप्रपा, शिवसेनाका नेता तथा कार्यकर्ताले एमसीसीविरुद्ध नाराबाजी गरेका थिए । उनीहरुले सरकारको विरुद्धमा पनि नारा लगाएका थिए । केहीबेरको नाराबाजी पछि १५ मिनेट सडक अवरुद्ध गरिएको थियो ।
नेपालगञ्ज उपमहानगरपालिकाका कार्यपालिका सदस्य इन्दिरा शाही, वडा नं. ४ का अध्यक्ष सफिक बेहना, राप्रपाका युवा नेता हुकुम केसीलगायतको उपस्थितिमा एमसीसीविरुद्ध प्रदर्शन गरिएको थियो ।