दुई लाखको पटाका नष्ट

नेपालगञ्ज – बाँके प्रहरीले दुई लाख बराबरको पटाका बरामद गरेर नष्ट गरेको छ ।
जिल्लाका विभिन्न नाकाबाट बरामद भएका पटाकालाई प्रहरीले मंगलबार नष्ट गरेको हो ।
जिल्ला प्रहरी कार्यालय, बाँकेका प्रवक्ता डीएसपी मधुसुदन न्यौपानेले विभिन्न नाकाबाट भित्रिएका पटाका बरामद गरेर नष्ट गरेको बताउनुभयो । ‘पटाका पड्काउन प्रतिबन्ध छ । विभिन्न ठाउँमा जाँच गर्दा पटाका फेला प¥यो, त्यसलाई हामीले बरामद गरेर नष्ट गरेका छौं, न्यौपानेले भन्नुभयो । प्रहरीले पटाका पड्काउनेलाई कारबाहीको दायरामा ल्याउने जनाएको छ ।