रेडपाण्डाको छालासहित एकजना पक्राउ

नेपालगञ्ज – बाँके प्रहरीले नेपालगञ्जबाट संरक्षित वन्यजन्तु रेडपाण्डाको छालासहित एक जनालाई पक्राउ गरेको छ ।
नेपालगञ्ज उपमहानगरपालिका वडा नं. ४, बुद्धमन्दिरबाट प्रहरीले जाजरकोट भेरी नगरपालिका वडा नं. १ का २८ वर्षीय मनिराम सुनारलाई एक थान रेडपाण्डाको छालासहित पक्राउ गरेको हो ।
विशेष सुराकीका आधारमा पुगेको प्रहरीले सुनारले बोकेको झोला जाँच गर्दा रेडपाण्डाको छाला बरामद भएको जनाएको छ । बाँके प्रहरीले रेडपाण्डाको छाला कहाँबाट कसरी र कसलाई दिन ल्याएको भन्नेबारेमा अनुसन्धान गरिरहेको जनाएको छ ।