पाँच हजार चल्लासहित सात जना पक्राउ

नेपालगञ्ज – भारतबाट ल्याउदै गरेको कुखुराको चल्लासहित सात जना पक्राउ परेका छन् ।
बाँके प्रहरीले नेपालगञ्ज उपमहानगरपालिका वडा नं. १३ बाट ५ हजार पाँच सय वटा चल्लासहित पाँच जनालाई पक्राउ गरेको हो । कुखुराको चल्ला साइकलमा ल्याइएको थियो । प्रहरीले सात वटा साइकलसमेत बरामद गरेको छ ।
भारतबाट ल्याएको पक्षी तथा पक्षीजन्य पदार्थ बरामद भएपछि त्यसलाई नष्ट गर्ने गरिन्छ । पशु क्वारेन्टाइन कार्यालयले नष्ट गर्ने गर्दछ ।