पूर्व सांसद परियारको निधन

नेपालगञ्ज – पूर्व सांसद कृष्णसिंह परियारको निधन भएको छ ।
लामो समयदेखि सुगर र प्रेसरबाट पीडित रहेका पूर्व सांसद परियारको शुक्रबार विहान साढे ७ बजे नेपालगञ्जस्थित घरमै निधन भएको नेपालगञ्ज उपमहानगरपालिका वडा नं. २ का अध्यक्ष सुनिलसिंह हमालले जानकारी दिनुभयो ।
२०४८ सालको निर्वाचनमा परियार बाँके क्षेत्र नं. ३ बाट विजयी हुनु भएको थियो । त्यसपछि उहाँ राज्य व्यवस्था समितिको सभापति पनि हुनुभयो ।
नेपाली कांग्रेसका पूर्व सभापति एवं पूर्व प्रधानमन्त्री सुशील कोइरालाको निकट रहेर काम गर्नु भएका परियारलाई इमान्दार नेताको रुपमा लिने गरिन्थ्यो ।