ठगिएकाहरु थपिदै

नेपालगञ्ज – आशिष भन्ने धर्मराज मल्ललाई पैसा दिएका थप दुई जना बाँके प्रहरीको सम्पर्कमा आइपुगेका छन् ।
मल्लले पैसा लिएर पनि प्रहरी बनाउन नसकेपछि पैसा बुझाएकाहरु धमाधम प्रहरी कार्यालयको सम्पर्कमा आउन थालेका हुन् ।
दुई जनाले तीन÷तीन लाख रुपैया ठगिएको उजुरी गरेपछि मल्ल पक्राउ परेका छन् । शुक्रबार फेरि दुई जनाले ठगिएको भन्दै उजुरी दिएका छन् । दुई जनामध्ये एकजनाले दुई लाख र अर्काले एक लाख रुपैया दिएको बताएका छन् ।
प्रहरी बनाइदिन्छु भन्दै मल्लले पैसा लिएका थिए । उनलाई ठगीमा कारबाही गर्ने तयारी भएको छ ।