पिस नेपाल डटकम १६ औं वर्षमा प्रवेश

नेपालगञ्ज – वेभसाइट तथा सफ्टवेयर निर्माता पिस नेपाल डटकम १६ औं वर्षमा प्रवेश गरेको छ । काठमाडौको ललितपुर कुपण्डोलमा मुख्य कार्यालय रहेको पिस नेपाल डटकमले वेभसाइट डिजाइन र सफ्टवेयर निर्माण गर्दै आएको छ ।
आइटीको शिक्षामा स्नातकोत्तर गरेका नेपालगञ्जका युवा प्रज्वल चुकेद्वारा स्थापित पिस नेपाल डटकमले नेपालका ठूलाठूला कर्पोरेट बैंक, राष्ट्रिय तथा अन्तर्राष्ट्रिय गैरसरकारी संस्थाहरु, व्यापारिक कम्पनीहरु, नेपाल पत्रकार महासंघ केन्द्रीय कार्यालय, नेपालगञ्ज दैनिकलगायत थुप्रै अखबार तथा कम्पनीहरुको वेभसाइट डिजाइन गर्दै नियमित सेवा प्रदान गर्दै आएको छ ।
पिस नेपाल डटकमले नेपाल बाहिर अमेरिका, अष्ट्रेलिया, रसिया, युके, सिंगापुरलगायतका देशहरुमा पनि वेभसाइट डिजाइन र सफ्टवेयर निर्माण सेवा उपलब्ध गराउँदै आएको प्रवन्ध निर्देशक समेत रहेका संस्थापक चुकेले बताउनु भएको छ । पिस नेपाल डट कममा अन्य कम्प्युटरका दक्ष इन्जिनियरहरुको टिम रहेको छ ।