आठौं नगर सभा

नेपालगञ्ज – नेपालगञ्ज उपमहानगरपालिकाको ८ औं नगरसभा बिहीबार हुने भएको छ ।
जिल्ला समन्वय समितिको सभाहलमा विहान ११ बजे नगरसभा हुने उपप्रमुख उमा थापा मगरले जानकारी दिनुभयो । नगरसभामा ऐन पारितका लागि पेश हुने भएको छ ।
यसैगरी चालु आर्थिक वर्षका लागि विनियोजित बजेट मध्ये केही योजनाको रकमान्तरण हुनेछ । नगरसभाको अघिल्लो दिन नगर प्रमुख डा. धवलशमशेर राणाको अध्यक्षतामा बुधबार बसेको कार्यपालिका बैठकले नगरसभामा प्रस्तुत हुने प्रस्तावमाथी छलफल गरि आवश्यक निर्णय गरेको प्रबक्ता प्रमोद रिजालले जानकारी दिनुभयो ।