३१ जना घरतिर

नेपालगञ्ज – बाँकेमा शनिबार ३१ जना कोरोना जितेर घर फर्किएका छन् ।
कात्तिक १९ गते कोरोना पुष्टि भएपछि विभिन्न आइसोलेसनमा बसेका उनीहरु शनिबार डिस्चार्ज भएका हुन् ।
जिल्ला स्वास्थ्य कार्यालय, बाँकेका अधिकृत एवं कोरोनाका फोकलपर्सन नरेश श्रेष्ठले १५ पुरुष र १६ जना महिला डिस्चार्ज भएको जानकारी दिनुभयो ।
जिल्लामा अहिलेसम्म तीन हजार दुई सय ६९ जनाले कोरोनालाई जितेका छन् । २ सय ४३ जना आइसोलेसनमा रहेका छन् ।