काटपत्ती खेल्ने १० जना साढे २९ लाखसहित पक्राउ

नेपालगञ्ज – बाँके प्रहरीले जुवाको ठूलो खालमा छापा मारेको छ ।
प्रहरी सहप्रवक्ता हृदेयस सापकोटाका अनुसार, नेपालगञ्जको बसपार्क क्षेत्रबाट २९ लाख ४८ हजार सात सय रुपैयासहित १० जनालाई नियन्त्रणमा लिइएको छ ।
बसपार्कका कृष्णप्रसाद वलीको घरमा काटपत्ती खेलिरहेका सन्तोष थापा, मेघनाथ कचबन्दिया, नविन घिमिरे, टोपबहादुर शाही, पब्लु भण्डारी, तरुण गौतम, रविन राणा, सन्तोष वली, कृष्णबहादुर सुवेदी, रहमान मियालाई प्रहरीले पक्राउ गरेको हो ।
घटना गएरातीको हो । पक्राउ परेका व्यक्तिलाई मुलुकी अपराध संहिता ऐन २०७४ को परिच्छेद ५ दफा १२५ बमोजिम कानूनी कारबाही हुने बाँके प्रहरीले जनाएको छ ।