कोरोना जित्ने अठार सय नाघे

नेपालगञ्ज – बाँकेमा आइतबार १६ जनाले कोरोनालाई जितेका छन् ।
असोज ११ गते कोरोना पुष्टि भएपछि जिल्लाका विभिन्न आइसोलेसन सेन्टरहरुमा बसेका उनीहरु डिस्चार्ज भएका हुन् ।
जिल्ला स्वास्थ्य कार्यालय, बाँकेका अधिकृत एवं कोरोना फोकलपर्सन नरेश श्रेष्ठले ११ पुरुष र ५ महिला आइतबार डिस्चार्ज भएको जानकारी दिनुभयो । आइतबार डिस्चार्ज भएकाहरु कोहलपुर मेडिकल कलेज, आदर्शनगर, सिटी होटल र होम आइसोलेसनमा बसेकाहरु छन् ।
योसँगै बाँकेमा कोरोना जितेर घर फर्किनेको संख्या एक हजार आठ सय नाघेको छ । फोकलपर्सन श्रेष्ठका अनुसार, अहिलेसम्म बाँकेमा डिस्चार्ज हुनेको संख्या एक हजार आठ सय नौ जना पुगेको छ । आइसोलेसनमा ५ सय ३४ जना रहेका छन् ।