सुत्केरी बोकेको एम्बुलेन्स खोलामा खस्यो

नेपालगञ्ज – सुत्केरी बोकेको एम्बुलेन्स खोलामा खसेको छ ।
मेडिकल कलेज कोहलपुरबाट चार दिने सुत्केरी बोकेर गइरहेको भे १ च ३१७१ नम्बरको एम्बुलेन्स कोहलपुर नगरपालिकाको वडा नं. १२ स्थित रोहिणी खोलामा खसेको हो । एम्बुलेन्स सडकदेखि झण्डै सय मिटर तल खोलामा खसेको छ ।
एम्बुलेन्समा चार दिने सुत्केरी प्रमिला परियार, चार दिने छोरी, उनका श्रीमान, ससुरा, एम्बुलेन्स चालक र साहु गरी ६ जना सवार थिए । दुर्घटनामा परेका सबै जना घाइते भएका छन् । उनीहरु सबैको मेडिकल कलेज कोहलपुरमा उपचार भइरहेको छ ।