सिजीले मनायो चौथो वार्षिकोत्सव

बाँसगढी (बर्दिया) – सिजी फुड्स इन्टरप्राइजेज प्रालि, बाँसगढी बर्दियाले चौथो वार्षिकोत्सव मनाएको छ ।
अन्तर्राष्ट्रिय श्रमिक महिला दिवसको अवसरसमेत पारेर मनाइएको वार्षिकोत्सवमा बाँसगढीका मेयर शालिकराम अधिकारीले सिजी फुड्स इन्टरप्राइजेजको सञ्चालन पछि नगरमा रोजगारी सिर्जना हुनुका साथै पहिचान बढाउने काम गरेको बताउनुभयो ।

राजीवसिंह राजपुतको सभापतित्वमा भएको कार्यक्रममा जनता मावि, वनमुडवाका प्रधानाध्यापक ढाकाराम ढकाल, रामजी सिटौलालगायतले मन्तब्य दिनु भएको थियो । वार्षिकोत्सवको अवसरमा कम्पनीलाई जग्गा उपलब्ध गराउन विशेष योगदान दिने, कर्मचारी, विभिन्न खेलका विजेताहरुलाई पुरस्कार वितरण गरिएको थियो ।