फरार जैसी पक्राउ

नेपालगञ्ज – जिल्ला अदालतको फैसला कार्यान्वयन इकाईबाट खटिएको टोलीले वन मुद्दाका फरार अभियुक्त भविचन्द्र जैसीलाई पक्राउ गरेको छ ।
जाजरकोट घर भई नेपालगञ्जमा बस्ने जैसीलाई इकाईको टोलीले नेपालगञ्ज–५ बाट बुधबार पक्राउ गरेको हो । २०७३ चैत्र १६ गते अदालतले जैसीलाई यार्सागुम्बा ओसारपसार वन मुद्दामा तीन महिना कैद र १३ हजार दुई सय रुपैया जरिवाना गरेको थियो । पक्राउ परेका जैसीलाई आवश्यक कारबाहीका लागि जिल्ला अदालतमा बुझाइएको छ ।