युनाइटेडमा अतिरिक्त क्रियाकलाप
नेपालगञ्ज – नेपालगञ्ज–१२ मा रहेको युनाइटेड एजुकेशनल एकेडेमी विविध कार्यक्रम गरेको छ । विद्यालयले शुक्रबार हाजिरीजवाफ, नृत्य र र्याम्स वाक गराएको हो ।
कक्षा ९ र १० का विद्यार्थीले नृत्य प्रतियोगितामा भाग लिएका थिए । त्यसमा गुञ्जल जीएम प्रथम, दर्शना बिसी द्वितिय र कुसुम राई तृतिय भएका थिए ।
र्याम्स वाकमा कक्षा १ देखि ५ का विद्यार्थीको सहभागिता रहेको थियो । आकांक्षा शाह प्रथम, एलिशा सिजाली द्वितिय र स्पन्दन कर्माचार्य तृतिय भएका थिए ।
६ देखि ८ कक्षाको बीचमा हाजिरीजवाफ प्रतियोगिता गराइएको थियो । हाजिरी प्रतियोगितामा रेड हाउस प्रथम, ग्रिन हाउस द्वितिय, पहेलो हाउस तृतिय भएको थियो । विजयी विद्यार्थीलाई स्कूलका प्रिन्सिपल बिकास बज्राचार्यले पुरस्कार वितरण गर्नुभएको थियो ।
