खजुरामा दशैं महोत्सवको तयारी

नेपालगञ्ज – हिन्दु नेपालीहरुको महान पर्व बडा दशैको अवसर पारेर बाँकेको खजुरामा दशै महोत्सवको आयोजना गरिने भएको छ ।

एक नम्बर बजारमा आयोजना गरिन लागेको दशैं महोत्सव तथा सास्कृतिक कार्यक्रम २०७९ को सचिवालय उद्घाटन भइसकेको छ । आदर्श युवा बचत समुह (आदर्श युवा क्लव) खजुराले असोज १६ गते सप्तमीका दिन महोत्सव आयोजना गर्न थालेको हो ।

स्थापनाकालदेखि नै सामाजिक कार्य गर्दै आइरहेको समूहले विगतका वर्षहरुमा सामाजिक कार्यसँगै विभिन्न पर्वहरुलाई हर्ष उल्लासका साथ मनाउन निरन्तर रुपमा सांस्कृतिक कार्यक्रमहरु सञ्चालन गर्दै आइरहेको छ । समूूहले यसपटक दशै पर्वलाई वृहत बनाउन शुभकामना आदान प्रदान, सांस्कृतिक कार्यक्रम, स्थानीय सामुदायिक विद्यालयलाई डस्टविन वितरणसँगै निःशुल्क स्वास्थ्य शिबिर समेत सञ्चालन गरिने दशैं महोत्सव तथा सांस्कृतिक कार्यक्रम २०७९ का संयोजक खगेन्द्र दाहालले जानकारी दिनुभयो ।

महोत्सवमा खजुरा, नेपालगञ्ज, बर्दिया लगायतबाट अवलोकन गर्न आउने समूहका सचिव सुवास निरौलाको दावी छ ।