कोहलपुर प्रहरीको हिरासतमा थुनुवा मृत फेला

नेपालगञ्ज – इलाका प्रहरी कार्यालय, कोहलपुरको हिरासत कक्षमा थुनुवा मृत अवस्थामा फेला परेका छन् ।

थुनुवा कक्षको शौचालयमा झुण्डिएको अवस्थामा थुनुवा किसनलाल कुँवर फेला परेको इलाका प्रहरी कार्यालय, कोहलपुरले जनाएको छ ।

जबरजस्ती करणीका थुनुवा कुँवरले थुनुवा कक्षको शौचालयको भेन्टिलेसनमा झुण्डिएर आत्महत्या गरेको इलाका प्रहरी कार्यालय, कोहलपुरका डीएसपी ऐनबहादुर मल्लले जानकारी दिनुभयो ।