भागेकासहित ४१ जना डिस्चार्ज

नेपालगञ्ज – बाँकेबाट आज ४१ जना डिस्चार्ज हुँदैछन् ।
जानकी गाउँपालिकाको जोगागाउँ स्कूलमा बसेका ४१ जनालाई आज घर पठाउने तयारी भएको जिल्ला स्वास्थ्य कार्यालय, बाँकेका अधिकृत एवं कोरोनाका फोकलपर्सन नरेश श्रेष्ठले जानकारी दिनुभयो । उनीहरु १५ औं दिनमा घर जादैछन् ।
जानकीमा शुरुवातमा कोरोना देखिएका सबै डिस्चार्ज हुने भएका हुन् । जोगागाउँको नेरामाविमै बसेका नेपालगञ्ज कोरियनपुरका एकजना फरार भएका छन् । उनी भारतमा बसेको बताइएको छ । उनी पनि डिस्चार्जको लिष्टमा परेका छन् ।
बाँकेमा यो ४१ सहित अहिलेसम्म २ सय ५० जना डिस्चार्ज भएको कोरोनाका फोकलपर्सन श्रेष्ठले जानकारी दिनुभयो । उनीहरु सबैलाई रिचेक नगरी घर पठाइदैछ ।