प्रेस युनियन बाँकेमा वली

नेपालगञ्ज – नेपाल प्रेस युनियन, बाँकेको अध्यक्षमा अर्जुन वली विजयी भएका छन् । शुक्रबार राती भएको मतदानमा वलीले चेतकान्त भट्टराई र नविन गिरीलाई पछि पारेका हुन् ।
केन्द्रीय प्रतिनिधि माधव धितालका अनुसार, ७७ मत ल्याएर वली विजयी हुँदा भट्टराईले ४० र गिरीले ३८ मत ल्याएका थिए । त्यस्तै, सचिवमा विजय मल्ल विजयी भएका छन् । मल्लले ८४ मत ल्याउदा प्रियास्मृति ढकालले ६४ मत ल्याएका छन् ।
प्रेस युनियन बाँकेमा उपाध्यक्षद्वयमा समीरमान श्रेष्ठ र विनय त्रिपाठी, सहसचिवमा लक्ष्मी चौधरी, कोषाध्यक्षमा मधु पौडेल निर्विरोध चयन भएका छन् । सदस्यहरुमा रविन्द्र घिमिरे, रामबहादुर रावत, कमल केसी, संगीता पाठक, लक्ष्मी गौडेल, दीपककुमार राई, गणेशबहादुर राई, नरेन्द्र सिंह र नन्दलाल साहु निर्विरोध भएका छन् ।