११६ ग्राम ब्राउनसुगरसहित तीन पक्राउ

नेपालगञ्ज – कोहलपुर प्रहरीले एक सय १६ ग्राम ब्राउनसुगरसहित तीन जनालाई पक्राउ गरेको छ ।

इलाका प्रहरी कार्यालय, कोहलपुरका प्रमुख डीएसपी सुन्दर तिवारीका अनुसार, बर्दिया बढैयाताल गाउँपालिकाका वडा नं. ७ का विशालसिंह ठकुरी र विक्रमसिंह ठकुरी तथा कोहलपुर नगरपालिका वडा नं. ११ का निर्जन ढकाललाई ब्राउनसुगरसहित पक्राउ गरिएको छ ।

प्रहरीले उनीहरुको साथबाट भे १३ प २७३ नम्बरको मोटरसाइकल, नौ हजार आठ सय रुपैयासमेत बरामद गरेको छ ।

उनीहरुले बर्दियाको सीमामा पर्ने भारतको बलैगाउँबाट ब्राउनसुगर ल्याएको प्रहरीले बताएको छ ।