किसानको खातामा पैसा पु¥याउन सकस

नेपालगञ्ज – बाँकेमा दैनिकजसो नै कुनै न कुनै पार्टीले बाढी पीडित किसानलाई राहत दिन माग राख्दै आन्दोलन गरिरहेका छन् । आइतबार नेकपा एमालेले जिल्ला प्रशासन कार्यालय अगाडि धर्ना दियो भने राप्रपाले सोमबार कृषि ज्ञान केन्द्रमा ताला नै लगायो ।

गत कात्तिक पहिलो साता आएको बेमौसमी वर्षाले बाँकेमा धानबालीमा ठूलो क्षति पु¥याएको थियो । जिल्ला विपद व्यवस्थापन समितिले पालिकावाइज लिएको तथ्यांक अनुसार, बेमौसमी वर्षाले ३८ करोड ४१ लाख ८६ हजार एक सय ६५ रुपैया बराबरको धानबालीमा क्षति पु¥याएको थियो ।

केही पाकेर काटिसकेको र काट्ने तयारी गरेको धेरै धानलाई लगातार वर्षाले क्षति पु¥याएपछि चिन्तित बनेका किसानलाई खुशी बनाउन सरकारले राहत दिने घोषणा ग¥यो । ३८ करोड नै माग गरेर राहत मागिएपनि जिल्लामा १० करोड रुपैया आइपुग्यो । त्यो १० करोडलाई एक जना किसानलाई क्षतिको ३६ प्रतिशत पहिलो किस्ता दिने निर्णय गरेर बैंक खाता मागियो । निर्देशिकाले पनि सोझै किसानको खातामा पैसा पठाउन भनेको छ ।

आठ वटै पालिकाबाट किसानको बैंक खाता मागियो । शुरुमा डुडुवा गाउँपालिकाका किसानको खातामा पैसा पठाइयो । प्राविधिक कारणले किसानले पैसा पाइसकेका छैनन् । जिल्ला प्रशासन कार्यालयका लेखा अधिकृत किसानको खातामा पैसा जम्मा गर्न दौडिरहेका छन् । किसानको खातामा पैसा पु¥याउन सकस भएको छ । किसानले पेन्सन, सामाजिक सुरक्षा भत्ताको खाता नम्बर दिएका छन् । यसमा बैंकले पैसा जम्मा गर्न मानेको छैन । कतिपय किसानले खाता नम्बर त दिएका छन्, केवाइसी भरेका छैनन् । कतिपय बैंक मर्ज भएका छन् । किसानले मर्ज भइसकेपछि बनेको नयाँ बैंकमा गएर खाता भेरिफाइ गरेका छैनन् । केहीले पीडित किसानमा आफ्नो नाम भरेका छन्, बैंक खाता नम्बर श्रीमतीको दिएका छन् । जिल्ला प्रशासन कार्यालयले धेरै जनाको नाममा एउटै चेक काटेको छ । तीमध्येमा एक जनाको मात्रै खाता नम्बर नमिल्दा कसैको पनि पैसा जम्मा हुन सकेको छैन । बैंकले चेक फिर्ता गर्ने गरेको छ । यी कारणहरुले गर्दा किसानको खातामा पैसा जम्मा हुन सकेको छैन ।

डुडुवामै यस्तो समस्या देखिएपछि अरु सात वटा पालिकालाई किसानको खाता भेरिफाई गरेर पठाउन निर्देशन दिइएको छ । सहायक प्रमुख जिल्ला अधिकारी टोपेन्द्र केसीले प्राविधिक कारणले गर्दा किसानको खातामा पैसा पु¥याउन गाह्रो भइरहेको बताउनुभयो ।
विपक्षी ठूला पार्टीले बाढीपीडितको राहत रकमलाई इस्यू बनाएर आन्दोलन गरिरहदा जिल्ला विपद व्यवस्थापन समितिले स्वयं किसान र बैंकको कारणले गर्दा किसानको खातामा पैसा पु¥याउन सकेको छैन ।

बाँकेमा ३९ हजार ४ सय ८२ घरधुरी किसानको धानबालीमा क्षति पुगेको थियो । खजुरा गाउँपालिकामा ५ हजार तीन सय १० किसानको ९७ हजार ४ सय ३४ कठ्ठामा धानबाली क्षति भएको थियो । खजुराले ५ करोड ६७ लाख ६४ हजार चार सय ४८ रुपैया क्षतिपूर्ति माग गरेको थियो । नेपालगञ्ज उपमहानगरपालिकामा ५ हजार ९ सय २२ किसानले ८९ हजार ५ सय ४१ कठ्ठामा लगाएको धानबाली नोक्सान भएको भन्दै १० करोड ८ लाख एक हजार दुई सय ५७ रुपैया माग गरेको थियो । बैजनाथ गाउँपालिकाले चार हजार १५ किसानले लगाएको १३ हजार ४ सय ६७ कठ्ठामा लगाएको धानबालीमा नोक्सानी भएको भन्दै एक करोड ६९ लाख ५० हजार ९ सय ४९ रुपैया माग गरेको थियो ।

जानकी गाउँपालिकाले चार हजार तीन सय ८६ किसानको ५९ हजार ८ सय ११ कठ्ठाको धान नोक्सान भएको भन्दै चार करोड ३४ लाख ११ हजार ९ सय २७ रुपैया माग गरेको थियो । कोहलपुर नगरपालिकाले दुई हजार एक सय ९४ किसानको १४ हजार ४ सय ५२ कठ्ठामा लगाएको धानबाली नोक्सान भएको भन्दै एक करोड १५ लाख एक सय ८० रुपैया माग गरेको थियो । राप्तीसोनारी गाउँपालिकामा चार हजार ६ सय ८३ किसानको ६९ हजार ३ सय २७ कठ्ठाको धान नोक्सान भएकाले ६ करोड ६४ लाख ४८ हजार ३ सय ४३ रुपैया माग गरिएको थियो । नरैनापुर गाउँपालिकामा ७ हजार ५ सय ६८ किसानको एक लाख ९ हजार १ सय ३० कठ्ठामा लगाएको धानबाली नोक्सान भएको भन्दै ५ करोड ७८ लाख ३० हजार २ सय ७५ रुपैया माग गरिएको थियो । डुडुवा गाउँपालिकाले ५ हजार ४ सय ४ किसानको ६४ हजार ४ सय ४९ कठ्ठामा लगाएको धानबाली नोक्सान भएको भन्दै तीन करोड ४१ लाख ५३ हजार २ सय १६ रुपैया माग गरिएको थियो ।

बाँकेमा ३६ हजार ५ सय हेक्टरमा धानखेती हुने गर्दछ । धान उत्पादनमा बाँके आत्मनिर्भर रहेको छ ।