तुल, ब्यानर र पोष्टरले रंगिदै बजार

नेपालगञ्ज – नेपालगञ्जमा चुनावी रौनकता देखिन थालेको छ ।

बजारमा चुनावी ब्यानरहरु देखिएका छन् । पार्टीहरुले ठाउँठाउँमा आफ्नो चुनाव चिन्हको तुल ब्यानर झुण्ड्याएका
छन् ।

नेपालगञ्जको त्रिभुवनचोक पोष्टर, ब्यानरहरुको चोक बनेको छ । चाडहरुका शुभकामनादेखि पार्टीगत चुनावी प्रचारको ब्यानर र तुलले चोक नै कुरुप देखिएको छ । भित्री बजारहरुमा तुल ब्यानर लगाउने तँछाडमछाड नै देखिएको छ ।

कतिपय पार्टीले अझै उम्मेदवार तय गरिसकेका छैनन् । गठबन्धन या पार्टीको आन्तरिक छलफलमा छन् । उम्मेदवार तय भइसकेकाहरु प्रचार प्रसारमा जुटिसकेका छन् । पार्टीहरुले पनि चुनाव चिन्ह राखेर शहर रंग्याएका छन् ।