नवौं डाँफे कप : न्यू दर्पण फाइनलमा

खजुरा – बाँकेको खजुरामा जारी नवौ डाँफे कप नक आउट फुटबल प्रतियोगितामा रेसिङ्ग साहरालाई हराउँदै न्यू दर्पण युवा क्लव फाइनलमा प्रवेश गरेकाे छ ।

खजुराको मिनी रंगशाला मैदानमा भएको खेलमा न्यू दर्पण ३–० गोलले विजयी भयाे । दोस्रो हाफको १३ औं मिनेटमा न्यू दर्पणका धनसिंह विकले पहिलो गोल गरे । लगतै २१ औं मिनेटमा न्यू दर्पणका भुपेन्द्र शाहीले गाेल गरे । २६ औं मिनेटमा धनसिंहले पुन: अर्काे गाेल गरे । धनसिंह विक म्यान अफ द म्याच भए । उनलाई थोपा प्रयोगशालाका सिइयो सुलभ आचार्यले पुरस्कार प्रदान  गरेका थिए ।