पेस्तोलसहित रिजाल पक्राउ

नेपालगञ्ज – बाँके प्रहरीले पेस्तोलसहित एक जनालाई पक्राउ गरेको छ ।

नेपालगञ्ज उपमहानगरपालिका वडा नं. १२ मा रहेको किङ क्रस क्लवबाट बर्दियाका सुमन रिजाललाई अटोमेटिक पेस्तोल र त्यसको एक राउण्ड गोलीसहित प्रहरीले पक्राउ गरेको हो ।

उक्त क्लवमा मंगलबार राती झगडा भइरहेको सूचना आएपछि पुगेको प्रहरीले खानतलासी गर्दा शौचालयमा लुकाइराखेको पेस्तोल र गोली बरामद गरेको जनाएको छ । घटनाका बारेमा थप अनुसन्धान भइरहेको बाँके प्रहरीले बताएको छ ।