८ ग्राम ब्राउनसुगरसहित दुई जना पक्राउ
नेपालगञ्ज – नेपालगञ्ज नाकामा ब्राउनसुगरसहित दुई जना पक्राउ परेका छन् ।
कोहलपुर नगरपालिकाका दिपेश सुनाम परियार र नारायण बुढथापा ८ ग्राम ५ सय मिलिग्राम ब्राउनसुगरसहित पक्राउ परेका हुन् ।
भारतबाट भे ३ प २७६२ नम्बरको मोटरसाइकलमा आएका उनीहरुले मोटरसाइकलमा लुकाएर ब्राउनसुगर ल्याएका थिए । नेपालगञ्ज नाकामा रहेको लागु औषध नियन्त्रण ब्यूरो र जमुनाहा प्रहरीले उनीहरुलाई पक्राउ गरेको हो ।
