तीन सय ट्याब्लेट नाइट्रोभ्याटसहित शाह पक्राउ

नेपालगञ्ज – प्रहरीले तीन सय ट्याब्लेट नाइट्रोभ्याटसहित एकजनालाई पक्राउ गरेको छ ।
सीमावर्ती भारतीय बजारबाट नेपालगञ्ज प्रवेश गरेका नेपालगञ्ज उपमहानगरपालिका वडा नं. १, धम्बोझीका सौगात शाहलाई प्रहरीले लागु औषध नाइट्रोभ्याटसहित पक्राउ गरेको हो ।
इलाका प्रहरी कार्यालय, जमुनाहा अगाडि आइपुगेका शाहलाई शंका लागेर जाँच गर्दा नाइट्रोभ्याट बरामद भएको थियो । लागु औषध नियन्त्रण ब्यूरोका हवल्दार गगन सुनारसहितको टोलीले लागु औषधीसहित शाहलाई नियन्त्रणमा लिएको थियो । इलाका प्रहरी कार्यालय, जमुनाहामा मंगलबारदेखि नै सई पूर्णबहादुर खत्री हाजिर भएका छन् ।