निकुञ्ज कर्मचारीको दुर्घटनामा मृत्यु

नेपालगञ्ज – बाँके राष्ट्रिय निकुञ्जका कर्मचारी नवराज बुढाथोकीको मोटरसाइकल दुर्घटनामा मृत्यु भएको छ ।
निकुञ्जको खैरीपोष्टमा कार्यरत गेम स्काउट बुढाथोकी गएराती सवा नौ बजे भएको मोटरसाइकल दुर्घटनामा मृत्यु भएको इलाका प्रहरी कार्यालय, कोहलपुरका प्रहरी निरीक्षक शिवराज बमले जानकारी दिनुभयो ।
बमले चलाएको भे १० प ९५४९ नम्बरको मोटरसाइकल मुगुवा र शमशेरगञ्जको बीचस्थित हाइवेमा रोकिराखेको ट्रकमा ठोकिएको थियो । प्रहरीका अनुसार, बिग्रेर राखेको ट्रकमा पछाडीबाट मोटरसाइकल ठोकिदा बुढाथोकी र मोटरसाइकल ट्रक मुनि पुगेका थिए ।
गेम स्काउट बुढाथोकीको उपचारका लागि कोहलपुर मेडिकल ल्याउने क्रममा मृत्यु भएको थियो ।
निकुञ्जका सहायक वार्डेन महेश न्यौपानेले गस्ती गर्न गएको बेलामा मोटरसाइकल दुर्घटना भएर बुढाथोकीको मृत्यु भएको बताउनुभयो । ‘दुई वटा मोटरसाइकलमा तीन जना गस्तीमा जानु भएको थियो, बुढाथोकी चढेको मोटरसाइकल दुर्घटना प¥यो, सहायक वार्डेन न्यौपानेले भन्नुभयो ।
बुढाथोकीको शवलाई कोहलपुर मेडिकल कलेजमा राखिएको छ । रुकुमबाट उनका घरपरिवारका सदस्यहरु आउँदै छन् ।