१२ वर्षीया बालिकासहित २६ जना डिस्चार्ज

नेपालगञ्ज – बाँकेमा आइतबार १२ वर्षीया बालिकासहित २६ जनाले कोरोनालाई जितेका छन् ।
नेपालगञ्जकी १२ वर्षीया कोरोना पुष्टि भएपछि होम आइसोलेसनमा बसेकी थिइन् । कात्तिक २० गते कोरोना पुष्टि भएकी उनी आइतबार डिस्चार्ज भएकी छन् ।
आइतबार नै बैजनाथका ७७ वर्षीय पुरुषले पनि कोरोनालाई जितेका छन् । बृद्ध भेरी अस्पताल, नेपालगञ्जमा बसेका थिए ।
डीसीसीएमसीका अनुसार, आइतबार १८ पुरुष र ८ महिला डिस्चार्ज भएका छन् । जिल्लामा कोरोना जितेर घर जानेको संख्या तीन हजार दुई सय ९५ जना पुगेको छ । दुई स य ४५ जना आइसोलेसनमा रहेका छन् ।