नदीमा फसेका सबैको उद्दार

नेपालगञ्ज – राप्ती नदीमा फसेका ११ जनाको उद्धार गरिएको छ ।
राप्तीसोनारी वडा नं. २ गौशालामा फसेका ६ जना र ललहीमा फसेका ५ जनाको उद्धार गरिएको हो । गौशालाका ६ जनाले गोठाला आउदा फसेको बताएका छन् । उनीहरु चार घण्टा नदीको बीच टापुमा फसेका थिए । गोमबहादुर पुन, धु्रव पुन, मदन बोहरा, रतन पुन, अमृत विक र रेशम खत्री गौशालामा फसेका थिए । उनीहरुलाई सशस्त्र प्रहरीको टोलीले उद्धार गरेको हो ।
ललहीमा फसेका ५ जनालाई पनि राती अबेर उद्धार गरिएको छ । पहाडमा परेको पानीले राप्ती नदी बढ्दा जंगलमा रहेका उनीहरु फसेका हुन् । नदीमा पानीको सतह घट्दै गएको छ ।